|
23.04.2022 | 16:53
729

Әйелдер күресінен Азия чемпионатында қазақстандықтар үздік үштікке енді

Құрлықтық дода 24 сәуірде мәресіне жетеді

Әйелдер күресінен Азия чемпионатында қазақстандықтар үздік үштікке енді

Моңғолия астанасы Ұлан-Батырда өтіп жатқан Азия чемпионатында Қазақстанның ұлттық құрамасы әйелдер күресінен жалпыкомандалық есепте үздік үштікке енді, деп хабарлайды Almaty.tv тілшісі.

Құрлықтық додада қазақстандық қыздар екі алтын, екі қола медаль алды.

ҚазАқпарат мәліметінше, ел құрамасынан 68 келіде Мадина Бақбергенова финалда қырғызстандық Мээрим Жуманазарованы жеңіп, алтыннан алқа тақты. Ал 72 келіде Жәмила Бақбергенова финалда Сумире Ниикураны тізе бүктіріп, жеңіс тұғырына көтерілді.

Сондай-ақ қазақстандық спортшылардан Жұлдыз Ешімова (53 келі) және Гүлмарал Еркебаева (76 келі) қола жүлдеге қол созды.

Жалпыкомандалық есепте Жапония (7 алтын, 2 күміс) және Моңғолия (4 күміс, 5 қола) құрамасы алғашқы екі орынға жайғасты.

Күрес түрлерінен (грек-рим, әйелдер күресі, еркін күрес) құрлықтық додаға Азияның 19 елінен спортшылар келді.

Еске салсақ, қазақстандықтар грек-рим күресінен қорытынды есепте бірінші орын алған еді.

Құрлықтық дода 24 сәуірде мәресіне жетеді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир