Алматыда Street Workout спорт алаңы ашылды

«Алматы марафон» ұйымдастырушылары «Қиын өмір жағдайындағы балаларды қолдау» орталығында спорт алаңын салып берді, деп хабарлайды Almaty.tv тілшісі.

Көпті қызықтырған жоба аясында 2012 жылдан бері 24 қайырымдылық іс жасалыпты. «Алматы марафон» өкілдері мақсатымыз балалар спортын дамыту дейді.

«Бұл – біздің биылғы екінші қайырымдылық жобамыз. Алғашқысы кәмелетке толмаған балалар колониясында салынған футбол алаңы. Кезекте үшінші жоба бар, ерекше қажеттілігі бар балаларға арналған үлкен футбол алаңын салмақпыз. Жобалар спортқа жаны құмар жандардың арқасында жүзеге асып жатыр», – деді «Алматы марафон» жүргізушісі Валихан Тен.