17 жастағы хоккейші матч кезінде қайтыс болды

gerhard crous/unsplash.com/

Хоккейші ауруханаға жеткізілген, дәрігерлер оның жаны үзілгенін анықтаған

17 жасар хоккейші Коннор Касин АҚШ-та қайырымдылық матчында қайтыс болды. Спортшы матч кезінде есін жоғалтып, мұзға құлаған, деп хабарлайды Almaty.tv тілшісі ҚазАқпаратқа сілтеме жасап.

Басылымның мәліметінше, «Лонг-Айленд Шаркс» жастар құрамасының ойыншысы матч арасындағы үзіліс кезінде есін жоғалтқан.

Матч оның өткен жылы жол апатынан қайтыс болған сыныптасы Сабрина Навареттиді еске алуға арналған болатын.

Көрермендер мұзға жүгіріп шығып, дәрігерлер келгенше спортшыға көмектесуге тырысқан.

Хоккейші ауруханаға жеткізілген, дәрігерлер оның жаны үзілгенін анықтаған.

Әзірге өлімнің себебі анықталған жоқ.

Оқи отырыңыз: Тұмау маусымында қандай жемістерді көбірек жеген дұрыс