Алматыда Республика күніне орай үстел теннисінен турнир өтті

Алматыда Республика күніне орай спорт фестивалі аясында үстел теннисінен турнир өтті. Жарысқа қаланың әуесқой спортшылары қатысып, өзара үздіктер анықталды. Салауатты өмір салтын ту еткен байқауда 100-ге жуық адам 4 санат бойынша бақ сынасты. Жалпы, 24 қазан басталған ауқымды фестиваль жеті спорт түрін қамтып, оған 2 мыңға жуық әуесқой спортшы тартылған. Жеңімпаздар мен жүлдегерлерге арнайы сыйлықтар табысталды, деп хабарлайды Almaty.tv.

"Бүгінгі жарыс республика күніне орай ұйымдастырылған фестивальдің шешуші нүктесі деуге болады. Қатысушылар 4 санатқа бөлінді. Жас ерекшеліктеріне байланысты. Үстел теннисін сүйер қауым алдын ала сайтта тіркеліп, өтінім қалдырған. Қазір бірінші айналым өтуде. Жеңімпаздарға құнды сыйлықтарымыз бар", - деді бас төрешінің көмекшісі Зәуре Омарова.

Оқи отырыңыз: Теннисші Елена Рыбакина Ниньбодағы WTA 500 турнирінде топ жарды