Азия чемпионаты: аса ауыр салмақта 4 қазақ боксшысы бақ сынауда

Ұланбатырда өтіп жатқан бокстан Азия чемпионатында аса ауыр салмақта бақ сынап жатқан 9 боксшының төртеуі қазақ жігіттері, - деп хабарлайды Almaty.tv тілшісі Sportbugin.kz-ке сілтеме жасап.

Атап айтқанда, Қазақстан құрамасының капитаны, әлем чемпионы Айбек Оралбайдан бөлек, Өзбекстан сапында Арман Маханов, Қытай атынан этникалық қазақ Данабек Байқоныс өнер көрсетуде.

Ал жарыс қожайындары — Моңғолия намысын Бекнұр Қали қорғап жатыр.

Бұл — аса ауыр салмақта қазақ боксшыларының деңгейі жоғары екенін көрсететін айқын дәлел. Бір салмақта бірден бірнеше қандасымыздың жүлдеге таласуы — жанкүйерлер үшін де үлкен қуаныш.

Оқи отырыңыз: Жазғы Азия ойындарына ұлттық құрамадан 500-ге жуық спортшы қатысады