Әбиба Әбужақынова алғаш рет дзюдодан әлем чемпионатының финалына шықты

Дзюдодан Қазақстан әйелдер құрамасының көшбасшысы Әбиба Әбужақынова Будапештте өтіп жатқан әлем біріншілігінде алтын жүлде үшін бақ сынайды, деп хабарлайды Аlmaty.tv тілшісі Оlympic.kz-ке сілтеме жасап.

Отандасымыз 48 келіге дейінгі салмақтың жартылай финалында испаниялық Лаура Мартинес Абелендамен белдесті.

«Нәтижесінде испаниялық споршы үш қателік жіберіп, Әбиба финалға жолдама алды», - делінген хабарламада.

Финалда Әбужақынова Италия өкілі Асунта Скутто мен франциялық Ширин Букли арасындағы белдесуде жеңіске жеткен спортшымен күреседі.

Айта кетейік, Әбиба бұған дейін әлем чемпионатының финалында бірде-бір рет белдеспеген. Оның еншісінде әлем біріншілігінің екі қола медалі бар.

Оқи отырыңыз: Олимпиада чемпионы Дмитрий Баландин басшы қызметке тағайындалды