Гран-при финалында Михаил Шайдоров үздік бестікті түйіндеді

Қазақстандық мәнерлеп сырғанаушы Михаил Шайдоров Францияның Гренобль қаласында өткен Гран-при сериясының финалында екі бағдарлама қорытындысы бойынша 253,75 ұпай жинап, бесінші орынға ие болды, деп жазады Almaty.tv тілшісі Sports24.kz-ке сілтеме жасап

Еркін бағдарламада ол 162,49 ұпаймен алтыншы нәтиже көрсетті. Қысқа бағдарламадан кейін 20 жастағы спортшы үшінші орында тұрған еді, бірақ жүлделі орнын сақтап қала алмады.

Гран-при сериясы финалының ерлер арасындағы қорытынды нәтижелері:
1. Илья Малинин (АҚШ) — 292,12 ұпай
2. Юма Кагияма (Жапония) — 281,78
3. Сюн Сато (Жапония) — 270,82
4. Даниэль Грассль (Италия) — 254,96
5. Михаил Шайдоров (Қазақстан) — 253,75
6. Кевин Эймос (Франция) — 238,63

Айта кетейік, 2024 жылы Михаил Шайдоров керемет нәтижелерге қол жеткізді: Алматыда өткен Денис Тен мемориалының жеңімпазы атанды, Нидерландтың Тилбург қаласында өткен Challenge Cup-ты жеңіп алды және Қытайдағы Гран-при кезеңінде жүлдегерлер қатарынан көрінді.

Оқи отырыңыз: Азия чемпионаты: ерлер арасында он боксшымыз шаршы алаңға шығады