Қазақстан 2026 жылғы Азиадада нысана көздеуден үздік ондыққа енді

t.me/olympickz

Қазақстан құрамасы 1879,9 ұпай жинап, алтыншы орынға ие болды

Қазақстан әйелдер құрамасы нысана көздеуден Аичи-Нагояда (Жапония) өтіп жатқан 2026 жылғы Азия ойындарында 10 метр қашықтықтан пневматикалық мылтықпен ату сайысына қатысты, деп хабарлайды Almaty.tv.

Бұл бәсекеде Қазақстан намысын Александра Ле, Елизавета Безрукова және Софья Шульженко қорғады.

Іріктеу кезеңінің қорытындысы бойынша, оның нәтижелері командалық есепке де енгізілді. Қазақстан құрамасы 1879,9 ұпай жинап, алтыншы орынға ие болды.

Жекелей есепте спортшыларымыз финалға өте алмады. Александра Ле 15-орын, Елизавета Безрукова 22-орын, ал Софья Шульженко 28-орын алды.

Оқи отырыңыз: Азия ойындары: Рината Сұлтанова Қазақстанға алғашқы алтын медальді әкелді