Елена Рыбакина Мадридтегі WTA 1000 турнирінде ширек финалға шығу үшін таласады

Қазақстандық теннисші Елена Рыбакина Мадридтегі WTA 1000 категориясындағы топырақ кортында өтіп жатқан турнирдегі титул үшін күресті жалғастыруда, деп хабарлайды Almaty.tv.

Үшінші айналымдағы матчта ол әлемдік рейтингте 32-орында тұрған, қазіргі Олимпиада чемпионы Чжэн Циньвэньді жеңді.

Тартысты бәсеке 2 сағат 21 минутқа созылды. Алғашқы сетте Чжэн бастаманы өз қолына алып, брейк-пойнтты тиімді пайдаланып, бірінші партияда басым түсті. Дегенмен, одан кейін Рыбакина ойынын тұрақтандырып, бірінші доп беру дәлдігін едәуір жақсартты және қателіктер санын азайтты. Қазақстандық теннисшінің еншісінде жеті эйс бар, бұл жеңіске жетудегі шешуші факторлардың бірі болды.

Қорытындылай келе, матч Рыбакинаның пайдасына 4:6, 6:4, 6:3 есебімен аяқталды. Айта кетейік, ол турнирдің алдыңғы айналымында да бірінші сетте ұтылып жатып, кездесудің тағдырын өзгерте алған болатын.

Енді ширек финалға шығу үшін Рыбакина Анастасия Потаповамен кездеседі.