Қазақстандық боксшылар халықаралық турнирде 8 алтын жүлде жеңіп алды

Орал қаласында Манарбек Ықсановты еске алуға арналған халықаралық жасөспірімдер арасындағы бокстан турнир өтті, деп хабарлайды Аlmaty.tv тілшісі Рrosports.kz-ке сілтеме жасап.

Жарыс барысында 14 салмақ дәрежесінде жүлделер сарапқа салынды. Турнир қорытындысы бойынша қазақстандық былғары қолғап шеберлері сегіз алтын медаль жеңіп алды. Чемпион атанғандар:

• Айтор Қайырбеков (44 кг);
• Бекхон Кодирбек (50 кг);
• Асылхон Ғазиз (52 кг);
• Жанарыс Дүйсенбай (54 кг);
• Диас Сәбит (60 кг);
• Қуаныш Аманқұл (70 кг);
• Еркебұлан Әлі (80 кг);
• Нұрбек Сержанұлы (80+ кг).

Қырғызстаннан келген спортшылар төрт алтынды еншіледі:

• Муслим Паншер (46 кг);
• Зубаир Акрамов (57 кг);
• Кутман Дүйшөналиев (63 кг);
• Абубакр Дүйшеев (66 кг).

Тағы екі алтын Тәжікстан құрамасына бұйырды:

• Бехруз Умаров (48 кг);
• Амир Нозимов (75 кг).

Оқи отырыңыз: Назым Қызайбай Қанат Исламды құрметтеп шапан кигізді