Қазақстандық спортшы қыз әлемдік рейтингте үздік үштікке енді

Біріккен күрес әлемі (UWW) жаңартылған әлемдік рейтингті жариялады, деп хабарлайды Аlmaty.tv Ұлттық олимпиада комитетінің баспасөз қызметіне сілтеме жасап.

"Әйелдер күрестінен Қазақстан құрамасының мүшесі Жәмилә Бақбергенова 72 келі салмақ дәрежесінде өз позициясын жақсартып, төртінші орыннан екінші орынға көтерілді. Оның еншісінде 45 000 ұпай бар", - делінген хабарламада. 

Ал рейтингтің көшін жапондық Ами Исии бастаса, үздік үштікті румыниялық Александра Николета Ангел аяқтайды. 

Айта кетсек, жақында өткен әлем чемпионатында Бақбергенова финалға шығып, жоғарыда аталған Исииге есе жіберген еді.

Оқи отырыңыз: Әлем чемпионы атанған Қайпановқа қымбат көлік сыйға тартылды