Хамза Шираз WBO титулынан бас тартты

Дүниежүзілік бокс ұйымы (WBO) британиялық боксшы Хамза Шираздың екінші орта салмақтағы әлем чемпионы титулынан ресми түрде бас тартты, деп хабарлайды Almaty.tv.тілшісі Tengri Sport-қа сілтеме жасап...

Queensberry Promotions промоутерлік компаниясы WBO басшылығына Шираздың міндетті үміткер мәртебесіне ие қазақстандық боксшы Жәнібек Әлімханұлына қарсы титулды қорғау жекпе-жегінен бас тартатынын жеткізген.

Промоутерлік сауда-саттық қорытындысы бойынша белгіленген шарттармен танысқаннан кейін британиялық спортшы чемпиондық белбеуді өзі тапсыру туралы шешім қабылдады.

«WBO Хамза Шираз бен оның командасы қабылдаған шешімді, сондай-ақ боксшылардың өз кәсіби мансабына қатысты мүдделеріне сай келетін қадамдар жасау құқығын мойындайды әрі құрметтейді», — делінген ұйымның ресми мәлімдемесінде.

Осылайша, Жәнібек Әлімханұлы ұйымның толыққанды әлем чемпионы титулын иеленуге басты үміткер болып қала береді.