Шавкат Рахмонов UFC турниріндегі жеңісі үшін қанша ақша алады

Лас-Вегаста өткен UFC 310 турнирінде жеңіске жетқан қазақ файтері Шавкат Рахмоновтың (19-0) қанша көлемде гонорар алатыны айтылды, деп хабарлайды Almaty.tv тілшісі 1bol.kz-ке сілтеме жасап.

Айта кетейік, Рахмонов өз мансабында алғаш рет жекпе-жекті аяғына дейін өткізді. Бұған дейінгі кездесулерінің бәрінде ол қарсыластарын мерзімінен бұрын ұтып келген еді.

"Осылайша, ирландиялық Иэн Гэрриді (15-1) жеңгені үшін Рахмоновқа 450 мың доллар беріледі. Оның 350 мыңы кепілді гонорар болса, қалған 100 мың доллары – жеңіс үшін бәске тігілген сыйақы", - делінген хабарламада.

Шавкат Рахмонов чемпиондық титул үшін Белал Мухаммадпен төбелесуі керек болған. Алайда, америкалық файтер жарақат алғанын айтып, жекпе-жекке бірнеше күн қалғанда кездесу кейінге қалдырылды. Ал, оның орнына UFC Шавкатқа Иэн Гэрриді ұсынды.

Оқи отырыңыз: Президент Шавкат Рахмоновты UFC-дегі жеңісімен құттықтады