Алматыда көшелердің бірі уақытша жабылады

Жол-құрылыс жұмыстарының жүргізілуіне байланысты 12-21 қыркүйек аралығында түнгі уақытта сағат 22:00 мен сағат 06:00 аралығында Райымбек даңғылы бойымен Назарбаев даңғылынан Төретай көшесіне дейінгі бөлігінде көлік қозғалысы уақытша толық шектелетін болады, деп хабарлайды Almaty.tv тілшісі Алматы қалалық мобилділік басқармасына сілтеме жасап.

"Аталған жұмыстар 2022 жылға арналған жоспар аясында жүзеге асырылып жатыр. Келтірілген қолайсыздықтар үшін кешірім өтінеміз және жол жүру бағыттарыңызды алдын ала жоспарлауларыңызды сұраймыз", - делінген хабарламада.