Алматы полициясы Армениядан әкелінген көлік құралдарын тіркеуге арналған сұрақтар үшін сall-сenter құрды, деп хабарлайды Almaty.tv қалалық Полиция департаментінің баспасөз қызметіне сілтеме жасап.
Алматы қаласындағы ПД-де тіркелу шарттары туралы барлық қажетті ақпаратты алу үшін сall-орталығы жұмыс істейді: 8-747-080-01-56; 298-50-71.
«Шұғыл желі» жұмыс кестесі: 9.00-ден 19.00-ге дейін.
«Үкіметіміздің қаулысы («Қазақстанға әкелудің және Қазақстан азаматтарының Арменияда тіркелген жеке көлік құралдарын пайдаланудың кейбір мәселелері туралы»), біздің азаматтарымызға Армениядан 2020 жылдың 1 ақпанына дейін әкелген автокөліктерді тіркеуге мүмкіндік берді. Үкімет 2020 жылдың 1 ақпанына дейін Армениядан әкелінген автокөліктерді тіркеу туралы шешім қабылдады. Екіншіден, тіркеу жұмыстары осы жылдың 1 маусымы мен 1 қыркүйегі аралығында жүргізіледі. Үшіншіден, тек сол жақтағы басқару элементтері бар автокөліктер тіркеуге жатады. Төртіншіден, үш төлеммен шектеу туралы шешім қабылданды: тіркеу жарнасы - 695 теңге, тіркеу куәлігі үшін төлем - 3 мың 473 теңге және мемлекеттік тіркеу нөмірі үшін - 7 мың 778 теңге. Төлемдердің жалпы сомасы 11 мың 946 теңгені құрайды», - деп түсіндірді, Алматы қалалық ПД бастығының бірінші орынбасары, полиция полковнигі Нұрлан Алмасбеков.
Сонымен қатар, спикер көлік құралдарын тіркеу үшін келесі құжаттарды ұсыну қажет екенін айтып өтті:
1) жеке басын куәландыратын құжат;
2) мемлекеттік тіркеу алымының төленгені туралы құжаттар
Қазақстан Республикасы Салық кодексінің 615-бабына сәйкес айлық есептік көрсеткіштің және мемлекеттік баждың 0,25% мөлшерінде;
3) Армения Республикасының уәкілетті органы шығарған көлік құралдарына арналған СРТС және МТНБ;
4) автокөлік құралдарын тіркеуге ұсынылған, мемлекеттік немесе орыс тілдерінен басқа тілде жасалған құжаттар мемлекеттік немесе орыс тілдеріне аударылған және аударманың дәлдігі туралы нотариустың немесе осындай әрекеттерді жасауға уәкілеттік берілген басқа адамның қолтаңбасы болуы керек.
5) арнайы жазбаларға келесі жазбалар енгізіледі: «TСРА» және «басқа тұлға үшін тіркеуге жатпайды»;
6) Қазақстан Республикасында шығарылған көлік құралында СРТС және (немесе) МТНБ жоғалған жағдайда, олардың жоғалу жағдайлары жазбаша түрде көрсетіледі.
7) МТНБ жоғалған жағдайда, көшірмесін беру Бірыңғай ақпараттық жүйеге өзгерістер енгізбестен оларды жасау арқылы жүзеге асырылады.
«Қазақстан Республикасына 2020 жылдың 1 ақпанынан кейін әкелінген көлік құралдарын тіркеуге рұқсат етілмейді. Сонымен қатар, Армения Республикасының уәкілетті органы берген тіркеу құжаттарында меншік иесі ретінде көрсетілмеген адамдарға тіркеу жүргізілмейді», - деді, полковник Алмасбеков.
Анықтама үшін: арнайы мақсаттағы ұйымдардың мекенжайы:
№1 шағын ауданда орналасқан арнайы орталық: Саялы ықшам ауданы, Ақ-Қайнар көшесі, № 2 арнайы орталық, Майлина көшесі 85-те орналасқан;
№3 арнайы орталық, Құлагер шағын ауданы. Серикова көшесі, 6;
№4 арнайы орталық, Қайрат шағын ауданы, 181 («Жетісу» базары);
№ 5 арнайы орталық, «Кемел» шағын ауданы, Ақсуат көшесі, 118.
