Алматыда электроавтобустар жүре бастайды

Алматыда алдағы уақытта алғашқы 10 электроавтобус пайдалануға беріледі. Бұл туралы қала басшысы Бауыржан Байбек мәлімдеді, деп хабарлайды Stan.kz.

Әкімнің айтуынша, Алматының автобус паркі 2 жыл ішінде 80 пайызға жаңартылған.

«Қала экологиясын жақсарту үшін электр көлігін енгіземіз. Үш буындағы электроавтобустарды құрастыратын қазақстандық-германиялық-гонконгтық зауыт ашылды. Алматыда жасалған алғашқы 10 автобус таяуда бағытқа қойылады», - деп жазды Байбек Twitter желісінде.