|
05.01.2020 | 11:49
6610

Алматы әуежайындағы рейстер кестесі өзгеруі мүмкін

Әуежай штаттық режімде жұмыс істеп жатыр

Алматы әуежайындағы рейстер кестесі өзгеруі мүмкін time.kz

Алматы халықаралық әуежайы рейстер кестесі өзгеруі мүмкін екенін айтты, деп хабарлайды ҚазАқпарат.

«Алматы әуежайында қалың тұманға байланысты әуе рейстерінің қозғалысында өзгерістер болуы мүмкін. Әуежай штаттық режімде жұмыс істеп жатыр. Бұл нысан жақында қайта жаңғыртудан өткен болатын. ИКАО ІІІ В дәрежелі сертификаты бар. Бұл қалың тұман жағдайында көлденең көрініс 75 метр болса да ұшақтарды қабылдап, 125 метрге жеткен кезде де ұшақ ұшыра алады дегенді білдіреді. Алайда ол үшін экипаждың да соған сәйкес сертификаты болуы шарт», - делінген әуежай хабарламасында.

Әуежайдың хабарлауынша, дәл қазір әуежайда көрініс 30/100 метр, ауа температурасы - 5 градус аяз. Мекеме жолаушыларға жолға шықпас бұрын рейстер жөнінде ақпарат біліп алу керектігін ескертеді.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир