|
05.11.2019 | 12:32
4174

Алматыда кабельдер зақымданып, троллейбустар жүрмей жатыр

Қабанбай батыр көшесінде тоқ кернеуі аз болғандықтан, №9 троллейбус мүлдем жүрмейді

Алматыда кабельдер зақымданып, троллейбустар жүрмей жатыр

Алматы тұрғындары троллейбустардың жүруіне шағымдана бастады. Жолаушылардың наразылығына «Алматыэлектротранс» ЖШС өкілдері жауап берді, деп хабарлайды ҚазАқпарат.

«Құрметті жолаушылар, №8 подстансадағы желінің зақымдануына байланысты бүгін №11 маршрут бойынша 20 троллейбустың 10-ы, №25 маршрут бойынша 31 троллейбустың 16-сы, №7 маршрут бойынша 27 троллейбустың 14-і, №19 маршрут бойынша 17 троллейбустың 9-ы ғана шығады. Көліктердің арасындағы интервал ұзақ болады», – деп жазды «Алматыэлектротранс» ЖШС Facebook -тегі парақшасында.

Сонымен қатар, Қабанбай батыр көшесінде тоқ кернеуі аз болғандықтан, №9 троллейбус бағдары толық жабық болады. Компания уақытша қолайсыздықтар үшін кешірім сұрады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир