Республикалық маңызы 7 мың шақырымнан астам жол жаңартылып жатыр

Қазіргі уақытта елімізде 7 мың шақырымнан астам республикалық маңызы бар жол жөндеуден өтіп, жаңартылып жатыр. Бұл туралы «ҚазАвтоЖол» компаниясының бас инженері Талғат Смағұлов айтты, деп хабарлайды  Almaty.tv. 

«Бүгінде еліміз бойынша 7 мың шақырымнан астам жолды жаңарту және жөндеу жұмыстары қарқынды жүргізіліп жатыр. Оның ішінде 4 мың шақырым жол жаңғырту және шамамен 4 мың шақырым жөндеу жұмысымен қамтылған», - деп атап өтті Талғат Смағұлов елордада өткен брифинг барысында.

Оның дерегінше, еліміздің республикалық маңызы бар жолдарының жалпы ұзындығы 25 мың шақырымды құрайды.

«Жалпы, елімізде республикалық маңызы бар шамамен 100 автожол учаскесінде жөндеу жұмысы көзделген», - деді Талғат Смағұлов.

Дереккөз: ҚазАқпарат.