Алматыда 11 маусымнан бастап №31 және №67 бағыт ұзаратын болады, деп хабарлайды Almaty.tv.
Қала әкімімен есептік кездесуде тұрғындар "Алма сити-5" ЖК көлік қызметін көрсетуді күшейтуді сұраған болатын.
Осыған байланысты Ерболат Досаевтың тапсырмасы бойынша "Барлық" базарынан Карьерная көшесі бойымен оңтүстік бағытта №31 және №67 бағытын ұзарту туралы шешім қабылданды.
Енді "Алма сити-5" тұрғындары қаланың орталық көшелеріне және жақында іске қосылған "Бауыржан Момышұлы" метро станциясына ауысып отырмай-ақ жете алады.
Ауданда барлығы 3 жаңа бағытты іске қосу және қолданыстағы бағыттарды күшейту жоспарланған.
