Жеңілдетілген автонесие рәсімдеуге 2200-ден астам өтінім түскен

Жеңілдетілген автонесие рәсімдеуге бір тәулік ішінде 2200-ден астам өтінім түскен. Ол туралы Индустриялық даму комитеті төрағасының орынбасары Олжас Сапарбеков айтты, деп хабарлайды Almaty.tv тілшісі.

Оның айтуынша, несие беретін 4 банктен өзгесі жақын арада Индустрияны дамыту қорынан келісім алып, қаржы бөлуді бастайды.

«Екі банк – ЦентрКредит пен Eurasian Bank автонесиеге өтініш қабылдауды бастады. Орта есеппен екі банкке 2200-ден астам өтініш қабылданып, қазір қаралып жатыр. Қалған банктер бойынша корпоративтік процедуралар жүріп жатыр. Ол банктер жақын арада бұл жұмыстар аяқталғаннан кейін іске кіріседі», – деді ҚР ИИДМ Индустриялық даму комитеті төрағасының орынбасары Олжас Сапарбеков.