Нұр-Сұлтан мен Алматының арасында тағы бір Тальго пойызы қатынайды

Ашық дерек көзі

17-18 шілде аралығында жаңа коммерциялық жолаушылар пойызы жолға шығады

Тальго вагондарынан жасақталған жаңа коммерциялық жолаушылар пойызы жолға шығады, деп хабарлайды Almaty.tv.

«Қазақстан темір жолы» ҰК» АҚ баспасөз қызметінің мәліметінше, жолаушылар пойызы екі қаланың арасында күнара қатынайды.

«Пойыз Нұр-Сұлтан Нұрлы жол станциясынан 2022 жылғы 17 шілдеден бастап тақ күндері жөнелтіледі. Алматы-2 станциясынан 18 шілдеден бастап жұп күндері жүретін болады», - делінген хабарламада.

Билетті BILET.RAILWAYS.KZ сайты немесе «ҚТЖ билеттері» мобильді қосымшасы арқылы рәсімдеуге болады. Егер вагонда орын қалмаса, «күту парағы» қызметін пайдалану керек.

Барлық сұраққа жауап алу үшін 1433 нөміріне хабарласуға болады.