Қазақстанда бірнеше жолаушылар пойызы уақытша тоқтатылды

Қазақстанда бірнеше жолаушылар пойызы уақытша жүрмейді. Тиісті шешімді мемлекеттік комиссия мен республиканың бас мемлекеттік санитар дәрігері індеттің таралуын болдырмау мақсатында қабылдады, деп хабарлайды Sputnik Қазақстан  "Жолаушылар тасымалы" АҚ-қа сілтеме жасап.

Қандай пойыздар уақытша тоқтатылады

9 шілдеден:

Алматыдан 9 шілдеден, ал Атыраудан 11 шілдеден қатынайтын № 29/30 Алматы-2 – Атырау пойызы.

10 шілдеден:

Маңғыстаудан 10 шілдеден, Нұр-Сұлтанға (Нұрлы жол) 12 шілдеден келетін/аттанатын және Маңғыстауға 14 шілдеде қайта оралатын № 37/38 Маңғыстау – Нұр-Сұлтан (Нұрлы жол);

Маңғыстаудан 10 шілдеден қатынайтын, Ақтөбеге 11 шілдеден келетін/жөнелетін және Маңғыстауға 13 шілдеде баратын № 309/310 Маңғыстау – Ақтөбе;

Маңғыстаудан 10 шілдеден аттанатын, Бейнеуге 11 шілдеде баратын/аттанатын, Маңғыстауға 12 шілдеде келетін № 657/658 Маңғыстау – Бейнеу пойызы.

11 шілдеден:

Алматы-2-ден 11 шілдеден жөнелетін, Маңғыстауға 14 шілдеде келетін/аттанатын, Алматы-2 стансасына 17 шілдеде баратын № 77/78 Алматы-2 – Маңғыстау пойызы.

13 шілдеден:

13 шілдеден Маңғыстаудан аттанатын, Алматы-2 стансасынан 16 шілдеден баратын/аттанатын және 19 шілдеден Маңғыстауға баратын № 77/78 Маңғыстау – Алматы-2 пойызы.

"Бұған дейін осы пойыздарға билет сатып алған жолаушылар оны қайтарып, ақшаны толық көлемде ала алады", – деді "Жолаушылар тасымалы" АҚ-дан.

Төлемді қайтару қолма-қол және қолма-қол ақшасыз есеп айырысу арқылы жүргізіледі.

Жолаушылар пойыздарының қозғалыс кестесіне қатысты барлық анықтамалық ақпаратты "105" нөмірі арқылы білуге болады.

5 шілдеден карантиннің күшеюіне байланысты №321/322 Алматы – Сарыағаш пойызы уақытша жүрмейді.

1 шілдеден билетке сұраныс төмен болғандықтан №19/20 Нұр-Сұлтан - Атырау, №95/96 Нұр-Сұлтан – Орал және №701/702 Нұр-Сұлтан – Алматы пойыздарының қозғалысы тоқтатылды.