4 қазанда Нұр-Сұлтанда автобустар жүрмейді

Жексенбі, 4 қазанда Нұр-Сұлтан қаласында қоғамдық көлік қозғалысы бір күнге тоқтатылады, деп хабарлайды Almaty.tv тілшісі ҚазАқпаратқа сілтеме жасап.

 Елорда әкімдігінен мәлім еткендей, 4 қазанда автобустарға дезинфекциялық жұмыстар жүргізілетін болады. Айта кетейік, сенбі, 3 қазан және дүйсенбі, 5 қазанда қалалық және қаламаңы автобустары штаттық режимде қатынайды. Қоғамдық көлікке бетперде тағып кіру керектігін еске саламыз. Жол жүру ақысы көліктік карта, SMS, QR-код және мобильдік қосымшалар арқылы төленеді.