Алматы қаласында «NEW SILK WAY» V Халықаралық көлік-логистикалық бизнес форумы өтеді, деп хабарлайды Almaty.tv.
Қазақстанның көлік апталығы шеңберінде 2022 жылғы 20-22 қыркүйек аралығында Алматы қаласында «NEW SILK WAY» V Халықаралық көлік-логистикалық бизнес форумы, сондай-ақ «Көлік және логистика» Қазақстандық халықаралық көрмесі өтеді.
Форумда көлік саласындағы жаңа мүмкіндіктер, халықаралық автомобиль тасымалдары, теңіз және теміржол логистикасы, азаматтық авиацияны дамыту және салада кадрлар даярлау мәселелері талқыланады. Форумға ТМД және шет елдердің салалық министрліктерінің министрлері мен вице-министрлері, бизнес қоғамдастықтың, мемлекеттік және жеке компаниялардың өкілдері қатысады.
