|
22.04.2022 | 12:02
216

Үндістанда туристерге жаңа арнайы виза ұсынылады

Бұл туралы премьер-министр Нарендра Моди мәлімдеді

Үндістанда туристерге жаңа арнайы виза ұсынылады Shutterstock

Үндістан сауықтыру және медициналық қызмет алуға келетін туристер үшін арнайы визаларды ашуды жоспарлап отыр. Бұл туралы премьер-министр Нарендра Моди мәлімдеді, деп хабарлайды Almaty.tv тілшісі Kaz.tengritravel.kz-ке сілтеме жасап.

Олар арнайы визаны Ayush деп атайды (Ayurveda, Yoga, Unani, Siddha, Homoeopathy, яғни аюрведа, йога, юнани, сиддха және гомеопатиядан алынған туынды сөз). Премьер-министрдің айтуынша, бұл виза Ayush терапиясының қолжетімділігін жеңілдетеді. Дегенмен іске қосу уақыты мен бағасы әлі белгісіз.

"Дәстүрлі медицина Кераладағы туризмді арттыруға көмектесті. Мұндай перспектива Үндістанның барлық бұрышында бар. Үндістанда сауықтыру онжылдықтың үлкен бренді бола алады. Аюрведиялық орталықтар, юнан тәжірибесі (оңтүстік және Орталық Азияда қолданылатын парсы-араб дәстүрлі медицинасы - авт.) және басқалары шетелдік туристер арасында өте танымал болуы мүмкін", - деп түсіндірді премьер-министр.

Спикер медициналық туризм секторын ілгерілету бойынша басқа да бастамалар, соның ішінде дәрілік өсімдіктер өсіретін фермерлерді Ayush өнімдерін өндірушілермен байланыстыру үшін цифрлық портал құру жоспарланғанын айтты.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир