|
31.03.2022 | 12:45
5949

Алакөлдегі Үржар әуежайы қандай әуе рейстерін қабылдайды

Үржар ауылы әуежайының Нұр-Сұлтан, Алматы, Өскемен және Семей қалаларымен күнделікті әуе қатынасы жаңартылады

Алакөлдегі Үржар әуежайы қандай әуе рейстерін қабылдайды mail.kz

Қазақстанның төрт қаласынан ұшақтар Алакөл көлінің шығыс жағалауына, Үржар қаласына ұшатын болады, деп хабарлайды Almaty.tv тілшісі Kaz.tengritravel.kz сайтына сілтеме жасап.

"Алакөл көлі жағалауының алдағы туристік маусымына қарай Үржар ауылы әуежайының Нұр-Сұлтан, Алматы, Өскемен және Семей қалаларымен күнделікті әуе қатынасы жаңартылады", - делінген жауабында.

Ведомствоның мәліметінше, бүгінде әуежайда құрылыс-монтаждау жұмыстары аяқталып, ұшу-қону жолағы ұзартылды, рульдеу жолы салынды, тұрақ орындары кеңейтілді, ұшуларға жерүсті қызмет көрсету объектілері салынды. Жақын арада жарық-сигнал жабдығын орнату жоспарланған.

Әуежай жолаушыларын қолайлы сервиспен қамтамасыз ету үшін Үржар ауданының әкімдігі аэровокзал ғимаратын қайта жаңғырту бойынша жұмыс жобасын дайындау мәселесін пысықтап жатыр. Оның өткізу қабілетін сағатына 100-150 жолаушыға дейін арттыру көзделген.

Бұған дейін Алакөл көлінің оңтүстік жағалауына, Үшаралға Нұр-Сұлтан, Алматы, Талдықорған, Түркістан қалаларынан және Ресей Федерациясының қалаларынан ұшақтар ұшатыны айтылған болатын. Рейстердің жиілігі туралы қосымша хабарланады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир