Бақытжан Сағынтаев тауда жайлы демалу үшін жағдай жасау керектігін айтты

Шаһар басшысы алматылықтардың сүйіп баратын жерлері көңіл бөлуді талап ететінін атап өтті

Алматы әкімі Бақытжан Сағынтаев бүгін ӘОСК (ЦСКА) тау шаңғысы базасы мен Бутаковка шатқалында болды. Бұл туралы шаһар басшысы өзінің Instagram парақшасында жариялады. Бақытжан Сағынтаев спорттық шаңғы мектептерін дамытып, жаяу туризмі үшін тау жолдары желісін құруға барлық жағдайдың барын атап өтті.

«Әзірге қолданыстағы алаңдарды абаттандырудан бастап, тау өзендері арқылы көпір салу, демалыс орындары мен санитарлық алаңдарды ретке келтіру қажет. Бизнес тараптары қолда бар инфрақұрылымды жаңарту үшін атсалысуға дайын. Мақсат — тауда демалу үшін қолайлы жағдай жасау», - деді әкім.