|
22.10.2022 | 08:56
2828

Түркі мемлекеттері бірыңғай әліпбиге көшуді талқылап жатыр

Тіл бірлігі мен түркі мемлекеттерінің ортақ әліпбиге көшу үдерісін жеделдету мақсатында біртұтас әліпби жасау жөніндегі комиссия құрылды

Түркі мемлекеттері бірыңғай әліпбиге көшуді талқылап жатыр Twitter›APA_News_Rus

Құрамына Әзербайжан, Қазақстан, Қырғызстан, Түркия және Өзбекстан кіретін Түркі мемлекеттері ұйымы бірыңғай әліпбиге көшу мәселесін талқылап жатыр, деп хабарлайды Almaty.tv тілшісі Tengrinews.kz-ке сілтеме жасап.

Басылым мәліметінше, тіл бірлігі мен түркі мемлекеттерінің ортақ әліпбиге көшу үдерісін жеделдету мақсатында біртұтас әліпби жасау жөніндегі комиссия құрылды.

Оның құрамына түркі мемлекеттеріндегі тіл саясатымен айналысатын әр ресми құрылымнан екі мүше кіреді. Комиссияның бірінші отырысы Қырғызстанда өтеді.

Бірыңғай әліпби жасау жөніндегі комиссияны құру туралы шешім Түркияның Бурса қаласында өткен және Тіл күнінің 90 жылдығына арналған "Түркі әлемінің ортақ әліпбиі бойынша семинар" отырысында қарауға ұсынылды. 

Семинарда түркі мемлекеттерінің ғалымдары өз елдерінде орын алған әліпби және тарихи тілдік үдерістер туралы мағлұмат беріп, біртұтас әліпбиге көшу және оны түркі мемлекеттері арасында тарату үдерісін жеделдету маңыздылығын атап өтті.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир