Ресейдің Можга қаласында жалғызбасты ана қайтыс болды. ДЦП-ға шалдыққан баласы жанында қалған. 13 жасар бала ұзақ уақыт бойы пәтерде анасының мәйітімен тұруға мәжбүр болды. Церебралды сал ауруынан бөлек бала эпилепсиямен де ауырған. Сондықтан сөйлей алмады, деп хабарлайды Sputnik.
Куәгерлердің айтуынша, бала аш қалған. Айқайлап, жұртты көмекке шақырыпты. Алайда көршілері пәтерден шыққан дауысқа мән бермеген. Өйткені бұл баланың әдеттегідей дауысы деп ойлаған. Бала ас үйге жетіп, су ішу үшін кранды ашқан. Алайда мүгедек арбасынан құлап қалған. Осылай пәтерді су басып кеткен.
"Олардың пәтері 1-қабатта болатын. Сондықтан жертөлені су басқанын ешкім байқамады. Алдын ала мәліметке сәйкес, бала суық өткеннен көз жұмған", - деп жазады басылым.
