Павел Дуров кепілдікпен босатылды

Telegram бас директорына айып тағылды, ол 5 млн еуро кепілдікпен және аптасына 2 рет полицияға белгілену міндетімен сот бақылауына алынды, деп хабарлайды Almaty.tv тілшісі Euronews-ке сілтеме жасап.

Сәрсенбі күні француз билігі Telegram бас директоры Павел Дуровқа өзінің хабар алмасу қосымшасында болжалды қылмыстық әрекетке жол берді деген алдын ала айып тақты және одан әрі тергеу жүргізілгенше Франциядан кетуге тыйым салды.

Дуров Париж маңындағы Ле-Бурже әуежайында сенбі күні ауқымды сот тергеуі аясында ұсталып, сәрсенбі төрт күндік тергеуден кейін босатылды.

Ресей тумасы және Франция азаматы болып табылатын Дуровқа тағылған айыптар қатарына оның платформасын балаларға қарсы жыныстық зорлық-зомбылық материалдары мен есірткі саудасы үшін пайдалану, сондай-ақ Telegram заң бойынша талап етілген кезде тергеушілерге ақпарат немесе құжаттармен бөлісуден бас тартуы кіреді.

Айыптау қорытындысы:

• Ұйымдастырылған заңсыз мәміле жүргізу үшін онлайн-платформаны басқару мақсатында қылмыстық келісім (қылмыс үшін ең жоғарғы жаза - 10 жылға дейін бас бостандығынан айыру және 500 000 еуро айыппұл).
• Уәкілетті органдардың сұрауы бойынша заңда рұқсат етілген ұстап қалуды жүзеге асыру және пайдалану үшін қажетті ақпаратты немесе құжаттарды беруден бас тарту.
• Заңсыз негізде бағдарламаға немесе деректерге қол жеткізуді қамтамасыз етумен байланысты қылмыстарға қатысу, автоматтандырылған деректерді өңдеу жүйесін бұзу мақсатында кәмелетке толмағандарға арналған порнографиялық суреттерді ұйымдасқан түрде тарату, есірткінің заңсыз айналымы, ұйымдасқан топтық алаяқтық, қылмыстық келісім және тағы басқалары.
• Ұйымдасқан топ құрамында қылмыстарды немесе құқық бұзушылықтарды жасыру.
• Құпиялылықты қамтамасыз ету үшін тиісті декларациясыз криптологиялық қызметтерді ұсыну.
• Аутентификация немесе тұтастықты бақылауды ғана орындамайтын криптологиялық құралды жеткізу және импорттау, алдын ала декларациясыз.

Париж сотының коммюникесінде сонымен қатар «Telegram тарапынан сот сұрауларына дерлік толық жауап бермеу жағдайы киберқылмыспен күрес бөлімінің назарына жеткізілгені» атап өтілді.