Университеттегі атыс: Чехия билігі 23 желтоқсанды қаралы күн деп жариялады

Чех билігі Прагадағы Карл университетінде болған атыс пен қазаға байланысты 23 желтоқсанды ұлттық аза тұту күні деп жариялады. Бұл туралы елдің премьер-министрі Петр Фиала мәлімдеді, деп хабарлайды Almaty.tv тілшісі МИР 24 арнасына сілтеме жасап.

Мұндай шешім Республика президенті мен Парламенттің төменгі палатасы спикерінің қатысуымен өткен үкіметтің кезектен тыс отырысында қабылданды. Премьер-министр 23 желтоқсан күні сағат 12:00-де бүкіл ел бойынша қайғылы оқиға құрбандарын еске алу үшін бір минуттық үнсіздік жарияланатынын нақтылады.

Еске салсақ Прагадағы Чарльз университетінде 21 желтоқсанда - бейсенбі күні атыс болды. Философия факультетінің 24 жастағы студенті Дэвид К. қолына қару алып, оқу орнында өздігінен сыныптағы студенттерді және университет терезесінен адамдарды атқан. 

Соңғы мәлімет бойынша 14 адам қаза тауып, тағы 25 адам жараланған. Дәрігерлер зардап шеккен 11 адамның жағдайы ауыр екенін айтады. Полиция оқ атуға не түрткі болғанын анықтауда. 

Оқи отырыңыз: Атырауда қаржы пирамидасын құрғандар сотталды