|
22.03.2020 | 10:33
6925

Әлемде коронавирус жұқтырғандар саны 308 мыңнан асты – соңғы мәліметтер

Қауіпті вирустан көз жұмғандар саны 13 067 адамға жетті

Әлемде коронавирус жұқтырғандар саны 308 мыңнан асты – соңғы мәліметтер Фото: pixabay.com


Әлемде COVID-19 жаңа коронавирусымен ауырғандар саны қазіргі уақытта 308 мың 231 адамға жетті. Worldometers.info cайтының сәт сайын жаңарып отыратын дерегіне сүйенсек, індет басталғалы бері 13 067 адам көз жұмған. Ал бір тәулікте 31 мың 295 адам ауру жұқтырған, деп хабарлайды Almaty.tv тілшісі.  

Әлем бойынша өткен тәулікте COVID-19 вирусынан 1630 адам көз жұмды. Ең көп адам шығыны болған ел – Италия – бір күнде 793 адам бақилық болды. Ал тағы 6557 адам ауру жұқтырып үлгерген. Жалпы, елде 53 мың 578 адам коронавирус жұқтырған.    

Ал Испанияда бір тәулікте 285 адам көз жұмды. Індет басталғалы бері бұл елде вирустан 1378 адам қайтыс болды. Бір күнде 3925 адам ауру жұқтырған. Жалпы, коронавирус жұқтырғандар саны – 25 мың 496 адам.

Иранда бір тәулікте 123 адам қайтыс болды, барлығы 1556 адам көз жұмды. Жаңадан ауру жұқтырғандар саны — 966, жалпы, 20 мың 610 адам қауіпті вирус жұқтырған.

Францияда — бір тәулікте 112 адам қайтыс болған, ал індет басталғалы бері 562 адам бақилық болған. Бұл елде бір күнде 1847 адам ауру жұқтырған, жалпы аурулар саны 14459 адамға жетті.

АҚШ-та өткен тәулікте 6728 адамның қауіпті вирус жұқтырғаны белгілі болды. Бір күнде 68 адам көз жұмды, індет басталғалы бері ажал құшқандар саны 324-ке жетті. 26 111 адам ауру жұқтырған.  

Қытайда бір тәулікте 46 адам вирус жұқтырды. Коронавирус жұқтырған 6 адам көз жұмды. Жалпы Қытай бойынша 81 мың 054 адам вирус жұқтырған.  

Қазақстанда 22 наурыздағы таңертеңгі жағдай бойынша барлығы 56 адамның COVID-19 жаңа коронавирусын жұқтырғаны расталды.  

Атап айтсақ, Нұр-Сұлтанда – 31 адам, Алматыда – 22, Қарағандыда – екі, Алматы облысында 1 адам тіркелді.




Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир