|
28.01.2019 | 10:57
2213

Қалыңдығын алып қашпақ болған жігіт ел алдында ұятқа қалды (ВИДЕО)

Қалыңдығын алып қашпақ болған жігіт ел алдында ұятқа қалды (ВИДЕО)

Кавказ өңірінде қалыңдығын ұрламақ болған жігіттің абыройы айрандай төгілді

Владикавказда қалыңдығын дәстүрге сай ұрламақ болған жігіт қызды екі рет құлатып алды. Әлеуметтік желілерде таралып кеткен күлкілі видеоны НТВ арнасы Telegram-да жариялаған.

Видеода жігіт қыздың артынан келіп, басына қап кигізіп, көлікпен алып қашпақ болады. Алайда қалыңдығын әуелі баспалдақта, кейін көліктің жанында құлатып алады. Онымен қоймай өзі де бірге жығылған.

Кадрдан тыс оқиға куәгерлерінің «әттеген-ай» деген үні естіледі.

YouTube желісінде жұрт алаңғасар жігітті келемеждеп жатыр. «Байғұс қыздар-ай. Бұл цирк қашан бітеді, адамды мертіктіре жаздады», — дейді қызға жаны ашығандар. «Осыдан кейін қалған болса, қатты тұрмысқа шыққысы келген ғой. Екі рет құлатып, тіпті хал-жағдайын білген жоқ, әрі қарай сүйреп барады. Жігіттер, ұялсаңдаршы, қыз ұрлай білмейсіңдер, енді келіп видеоға түсіресіңдер», — деп мысқылдады біреулер.

Дереккөз: sputniknews.kz




Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
Прямой эфир