Оқушы қыз емтихан кезінде босанып қалды

Гвинея тұрғыны босанған соң бір жарым сағаттан соң емтихан тапсыруға қайта оралды, деп хабарлайды zakon.kz.

Маму қаласының 18 жастағы оқушысы Фатумата Курума Конде оқуға түсу үшін емтихан тапсыруға келіп, сол жерде толғағы қысқан екен. Ол дереу ауруханаға жеткізіліп, 10 минуттан кейін ұл туды. Ең қызығы, есін тез жинаған қыз артынша аудиторияға оралған.

Курума Конде айы-күні жақын екенін күйеуінен де, туған-туыстарынан да жасырған. Себебі олар білсе, емтиханға жібермей қояды деп қорыққан.

«Менің емтиханды өткізіп алғым келген жоқ. Өйткені оған бір жыл бойына дайындалдым ғой», – дейді жас ана.

Емтихан орталығының жетекшісі Мохамед Диаките жергілікті БАҚ-та бұл оқиғаның нақты болғанын растаған.