Табытта жатып мұрны қанаған әйел елді шошытты

Мәскеуде Иоанна Предтечи шіркеуінде жоқтау айтылып жатқанда елдің төбе шашын тік тұрғызатын қорқынышты жайт орын алды. Аққа оранып, табытта жатқан әйелдің аяқ-астынан мұрнынан  тоқтаусыз қан ақты, деп хабарлайды zakon.kz.

Әйелдің мұрнынан аққан қан көпке дейін тоқтамаған. Ақыры шіркеу попы рәсімді тоқтатып, жедел жәрдем қызметкерлерін шақыртқан. Ол марқұм әлі тірі болуы мүмкін деп топшалаған. Дегенмен шұғыл жеткен дәрігерлер әйелдің өлгенін айтқан.

«Ештеңе етпейді. Мұндай жағдайлар болып тұрады. Өткенде менің марқұм енемнің де аузынан қан аққан болатын. Қазір күн ыстық. Бұл – қалыпты құбылыс. Ешқайсымыз әулие емеспіз ғой», - дейді шіркеу қызметкері бұл жайтқа қатысты.