Әйел екі гей-жігіттен бір уақытта жүкті болды

Ұлыбританияда гей жұп суррогат анадан қос перзент сүйді, әйелді ер адамдардың екеуі де қатар ұрықтандырған, деп хабарлайды Sputniknews.kz ақпараттық басылымы The Mirror порталына сілтеме жасап. .

Саймон мен Грэм Берни-Эдвардс алғаш танысқан сәттен бастап отбасын құрып, балалы болуды армандаған екен. Сөйтіп, олар Лос-Анджелестегі ЭКО емханасының көмегіне жүгінеді. 32 жастағы Мег Стоун ер азаматтардың балаларына суррогат ана болуға келісімін береді. Бұл қызметі үшін әйелге 25 мың фунт стерлинг (12,5 миллион теңгедей) төлепті.

Гей жұп бастапқыда болашақ сәбидің биологиялық әкесі кім болатынын шеше алмай қояды, бірақ дәрігерлер процеске екеуі де қатыса алатынын айтып қуантыпты.

«Эмбриондардың жартысы мен екінші жартысын Грэм ұрықтандырды», – дейді Саймон.  

«Мег бәрін ойдағыдай атқарды. Шын мәнісінде, бір дегенде екі еркектен бала көтерді. ЭКО-ның кереметінің арқасында аңсаған арманымызға жеттік», – дейді 43 жастағы ер адам қуанышын жасыра алмай.

Саймон мен Грэм үйленген соң, бал айын өткізуге Канадаға барып, жүктіліктің бесінші айында жүрген Стоумен танысыпты. Араға төрт ай салып Александра есімді қыз бен Колдер есімді ұл аман-есен дүниеге келді. Бүлдіршіндер әкелерінің аузынан түсіп қалғандай.