Дональд Трамп Мексика шекарасындағы қабырғаға қолтаңбасын қалдырды

АҚШ президенті Мексика шекарасында салынып жатқан қабырғаға өз қолтаңбасын қалдырды.  Дональд Трамп  күннің қатты ысуынан қақпа қызып кеткенін айтты. Өзінің Твиттер парақшасында шекараны аралап, әскери қызметкерлермен қол алысып жүргенін жариялаған, деп хабарлайды Аlmaty.tv тілшісі.

Қабырғаның құрылысы өткен жылы көктемде басталған. Айта кету керек, Мексикамен шекараға қорған салу – Дональд Трамптың сайлауалды бағдарламасындағы негізгі жоспарларының бірі. Сол арқылы ол аталған елден келетін мигранттар мен контрабандалық тауарларға тосқауыл қоюға уәде еткен еді.