|
20.05.2024 | 12:06
399

Ганада президенттік кортеж жол апатына ұшырады

Автоколонна Аккраға президентті жеткізіп, Кумасиға қайтып келе жатқан

Ганада президенттік кортеж жол апатына ұшырады Фото: ТАСС

Президенттік кортеждің  Ганадағы апатынан кем дегенде бір адам қаза тапты, тағы бірнеше адам жарақат алды. Мемлекет басшысы автоколоннада болған жоқ, деп хабарлайды Almaty.tv тілшісі Azattyq Ruhy агенттігіне сілтеме жасап.

Гана президенті әкімшілігінің мәлімдемесінде айтылғандай, апат Аккра-Кумаси жоғары жылдамдықты тасжолында болған. Автоколонна Аккраға президентті жеткізіп, Кумасиға қайтып келе жатқан.

Жергілікті БАҚ-тың хабарлауынша, жүк көлігі автоколонна жолағынан өтіп, апатқа ұшыраған.

«Президенттік кортеждің бірнеше көлігі толығымен қирап, жүргізушілердің бірі қаза тапты, Президенттің жеке күзеті мен қауіпсіздік қызметінің бірнеше қызметкері жарақат алды»,- деп хабарлайды Синьхуа.

Гана ресми ақпарат агенттігінің хабарлауынша, президент кортежде болмаған.

Оқи отырыңыз: Иран президенті тікұшақ апатында көз жұмды

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир