Түркияда жүк көлігі мен шағын автобус соқтығысып, 20 адам зардап шекті

Depositphotos

Бір адам көз жұмды

Түркияның Дюздже провинциясында жүк көлігі мен шағын автобус соқтығысты, деп хабарлайды Almaty.tv тілшісі ҚазАқпаратқа сілтеме жасап.

Жол апаты салдарынан бір адам қаза тауып, тағы 20 адам зардап шекті. Оқиға орнына жедел жәрдем бригадалары, полиция және жандармерия тартылды. Зардап шеккендер ауруханаларға жеткізілді. Олардың жағдайы туралы ақпарат таратылмады. Жол-көлік оқиғасына байланысты тергеу амалдары басталды.

Бұған дейін хабарланғандай, Түркияның Аланья қаласы аумағында туристер мінген шағын автобус жүк көлігімен соқтығысқан еді. Жол апатында қазақстандық туристер қаза тапты.

Оқи отырыңыз: Бір аптада 10 кісі өлтіру қылмысы ізі суымай ашылды