Әсел Робертс (Төленова) есімді қазақ қызы АҚШ Президенті хаттама басшысының міндетін атқарушы болып тағайындалды, деп хабарлайды Almaty.tv тілшісі BAQ.KZ-ке сілтеме жасап.
Бұл туралы Ақ үйдің ресми сайтында хабарланды.
«Әсел Робертс (Төленова) 2021 жылғы 20 қаңтардан бастап АҚШ Президенті хаттама басшысының міндетін атқарушы болып тағайындалды. Басшылықтың хаттама кеңсесінде 15 жылдан астам жұмыс істеп келе жатқан ол жақында аға кеңесші қызметінде болған. Робертс ханым Эдмунд Уолш Джорджтаун атындағы университеттің дипломатиялық қызмет мектебін халықаралық құқық саласы бойынша бакалаврды тәмамдаған. Ол орыс, қазақ және жапон тілдерін меңгерген»,– делінген Ақ үй сайтында.
Әсел 1976 жылы Алматыда дүниеге келген. 2014 жылы Джорджтаун университетіне түскен.
