Әлемде COVID-19 індетіне шалдыққандар саны 2,2 млн адамға жақындады

Әлемде COVID-19 індетіне шалдыққандар саны 2,2 млн адамға жақындады, деп хабарлайды Almaty.tv.

145 мыңнан астам адам көз жұмып, 547 мыңы жазылып шықты. Вирус ең көп АҚШ-та таралып жатыр. Онда індетке 677 мың 570 адам шалдығып, 35 мыңға жуық адам көз жұмған. Сөйте тұра, бұл елдегі 29 штатта соңғы бір аптада жаңа індет жұқтырушылардың тіркелмеуіне байланысты шектеулер біртіндеп алынып жатыр. Ал Еуропаға келсек, коронавирус жұқтырғандар саны бойынша алда Испания, одан кейін Италия тұр. ТМД елдері бойынша науқастар ең көп Ресейде тіркелген. Онда короновирус жұқтырғандардың саны 28 мыңдай. 232 адам індет салдарынан көз жұмды. Жалпы әлем бойынша жазылып шыққандардың саны жарты миллионан асқан.