Сауд Арабиясында қар жауды

Сауд Арабиясының оңтүстік-батысындағы әл-Баха провинциясында қар жауды, деп хабарлайды Almaty.tv тілшісі Zakon.kz-ке сілтеме жасап.

Табиғаттың тосын мінезінен көптеген жол жабылып, көліктер қар құрсауында қалды. Оқушылар қашықтан оқуға көшірілді.

Сауд Арабиясында, әсіресе елдің солтүстік аумағында көктем салқын болып, түнде ауа температурасы 15°C-тан төмен болуы мүмкін. Орталық және оңтүстік аймақтарда күн жылы болады, бұл өңірлерде түндегі орташа температура шамамен 20°C болады. Көктемде негізінен елдің орталық бөлігі мен оңтүстік-батысы, әсіресе Асир таулары жауын-шашынды келеді.

Әлеуметтік желілерде көшеде жатқан қардың бейнежазбасы тарап жатыр.