Медициналық маска үшін жаға жыртысқандардың төбелесі желіде тарап кетті

Әуеде қос жолаушы медициналық бетперде үшін жаға жыртысты. Оқиға куәгерлері төбелесті түсіріп, әлеуметтік желіге жүктеп жіберген, деп хабарлайды Almaty.tv.

Келеңсіз жағдай америкалық әуе компаниялардың бірінің ұшағында орын алған. Жұдырық жұмсағандардың әрекеті әуе кемесі көкке көтерілмей тұрып болды дейді көзбен көргендер.

Тасымалдаушының айтуынша, жолаушылардың бірі бетперде киюден мүлде бас тартқан көрінеді. Кейін одан мамандар ұшақтан түсуін өтініпті. Өз кезегінде жолаушы ашуланып, басқаларымен төбелесті бастап кеткен көрінеді.