Түркияда бір тәулікте 3 мыңнан астам адам коронавирус жұқтырды, деп хабарлайды coronavirus2020.kz.
Түркияда коронавирус инфекциясын жұқтырған тағы 3135 адам анықталды. Мұнда жалпы 27 069 адам вирус жұқтырған. Соңғы тәулікте 73 адам вирустың кесірінен денсаулығы нашарлап, қайтыс болды. Жалпы көз жұмғандар саны – 574 адам. Соңғы кезеңде 256 адам емделіп шықты. Сауығып шыққандардың жалпы саны – 1042. Еске сала кетейік, осыдан екі апта бұрын Түркияда коронавирус жұқтырғандар саны 400-ге жуық болатын.
