Автобус өзенге құлап, отызға жуық адам қаза тапты

Эфиопияның оңтүстігінде жантүршігерлік жол апаты болып, 28 адам қаза тапты, сондай-ақ 19 адам ауыр жарақат алды, деп хабарлайды Аlmaty.tv.

Синьхуа агенттігінің хабарлауынша, бұл туралы сәрсенбі күні оқиға болған Волайта аймағының билігі әлеуметтік желідегі парақшасында мәлімдеме жасады.

Ақпаратқа сәйкес, ел астанасы Аддис-Абебадан оңтүстікке қарай 400 шақырымдай жерде орналасқан Киндо Дидайе аумағында автобус жүргізушісі рөлге ие бола алмай, жолаушылар мінген көлік суға құлап кеткен.

Зардап шеккендер саны әлі де артуы мүмкін, қазіргі кезде іздеу жұмыстары жалғасып жатыр.

Оқи отырыңыз: Елу жыл бойы өлім жазасын күткен азамат ақталып шықты