Иранда шахтадағы жарылыстан қаза тапқандар саны 50-ден асты

Иранның шығысындағы Табас қаласындағы көмір шахтасында метан жарылысынан қаза тапқандар саны 50 адамнан асты, деп хабарлайды Аlmaty.tv.

Бұл туралы елдің Mehr агенттігі хабарлады.

«Табастағы шахтада болған оқиғадан қаза тапқандардың саны 51 адамға жетті, тағы 20 адам түрлі жарақат алып, ауруханаға жеткізілді», - делінген хабарламада.

Оқиға орнында құтқару жұмыстары жалғасып жатыр.

Еске салсақ, бұған дейін жарылыстан 30 адам көз жұмғанын хабарлаған болатынбыз. Апат болған кезде шахтада 69 кенші жұмыс істеп жатқан.  

Оқи отырыңыз: Бастары кесілген: Мексиканың АҚШ-пен шекаралас аумағынан 11 мәйіт табылды