|
05.08.2021 | 07:52
5250

Қазақстанда вакцинаның үшінші компонентін салдыру мәселесі қарастырылып жатыр

Иммунолог, вирусологтардың көзқарасы бойынша, үшінші компонентті салдыру қажет болуы мүмкін

Қазақстанда вакцинаның үшінші компонентін салдыру мәселесі қарастырылып жатыр Almaty.tv

Медицина ғылымдарының кандидаты Сәуле Атығаеваның айтуынша, Қазақстанда коронавирус вакцинасының үшінші компонентін салдыру мәселесі қарастырылып жатыр. Бұл туралы жоғары санатты инфекционист дәрігер ОКҚ-да өткен брифингте айтты, деп хабарлайды Аlmaty.tv  тілшісі almaty-akshamy.kz сайтына сілтеме жасап.

«Иммунолог, вирусологтардың көзқарасы бойынша, үшінші компонентті салдыру қажет болуы мүмкін. Екпе алу кезеңі жас категориясына қарай әртүрлі болуы керек. Ревакцинацияның қажеттігі ағзадағы антидене санына қарай анықталады. Антидене саны бірден төмен адамдарға ревакцинация керек болуы мүмкін. Бұл мәселе талқыланып жатыр. Алдағы таңда оның жауабын аламыз», — деді Сәуле Атығаева.

Еске салайық, Израильде 1 тамыздан бастап вакцинаның үшінші дозасын салдыруды бастады. Ал Қазақстанда вакцинаның II компонентін алғандар саны 4 млн-нан асты.



Bólisý