Павлодарда жанжалдасып қалған дәрігер мен шенеунікке медициналық көмек көрсетілді

Павлодарда бас дәрігер мен Денсаулық сақтау саласының шенеунігі арасында жанжал туындады, деп хабарлайды pavlodarnews.kz.

«Бүгін өңірлік Денсаулық сақтау басқармасының ғимаратында денсаулық сақтау басқармасының алғашқы медициналық санитарлық көмек және қоғам денсаулығын сақтау бөлімі бас маманының міндетін атқарушы Нариман Шахмарданов пен №3 қалалық аурухананың бас дәрігері Марлен Ахметовтың арасында жанжал орын алды», - дейді ведомство басшысы Ораз Мұқашев.

Нәтижесінде екеуі де медициналық көмекке жүгінген. Қазіргі таңда қызметтік тергеу жүргізілуде. Қорытындысы бойынша құқықтық баға беріліп, тиісті шара қолданылады. Ер адамдардың бір-біріне ешбір наразылығы жоқ.