Алматылықтар жаппай жылудан қағылып жатыр

Алматылықтар жаппай жылудан қағылып жатыр. Жауаптылар ыстық суға берешегі барлардың құбырларын бітеп, оларға айыппұл салуда. Қазір қала бойынша 40 мың адамның қарызы бары анықталды. Олардың берешек көлемі 2 млрд 300 млн теңгеге жуықтайды. Мобильді топ өкілдері тұрғындардың дені қарыздарын өтеуге асықпайды, дейді. Тіпті, үйлеріне жуытпай, қыр көрсетеді екен.

Қазір қаладағы әр ауданда 4 мобильді топтан жұмыс істеп жатыр. Олар күніне кемінде 30 үйді жылудан ажыратуда. Борышкерлермен күрес алдағы қазан айына дейін жалғасады.

«Қазір қала бойынша 4 мыңнан аса пәтерді ыстық судан ажыраттық. Бір ғана Бостандық ауданындағы үйлердің жылуға қарызы 2 млн 780 мың теңгеден асқан. Тиісті шара қолданымыз», - деді «Алматы жылу жүйесі» ЖШС баспасөз хатшысы Наталья ИНКИНА.